Na jutrownej njedźeli so w procesionje wjele cuzych koni a křižerjow hromadźa. To woznamjenja mnoho stresowych situacijow za jěcharja a wosebje za konja. Zo by při jěchanju wšitko bjez problemow a z wjeselom wotběžało, je radźomne, zo křižer do jutrow jěchać zwučuje. Nowačk mjez křižerjemi ma znajmjeńša 14 lět stary a wěriwy křesćan być.

Pokiwy:

* runje sedźeć
* mjez pjatu přez bjedra hač k ramjenjam ma być linija
* wot łochća přez ruku hač ke klamje konja ma być linija
* pjaty maja přetłóčene być
* škórń nic přehłuboko do třemjenja
* za wodźenje konja cugle jenož lochce ćahnyć, k wodźenju tež koleno wužiwać
* w procesione nic rjejić (to konjam a přihladowarjam njetyje)
* dypkownje při hromadźenju być (pomjeńši hektiku)
* hdyž procesion steji, na to dźiwać, zo so kóń přejara njewjerći abo dozady do druheho konja njestupa
* rozmołwy mjez křižerjemi ćicho wjesć
* při jěchanju na to dźiwać, zo njenastanu přewulke wotstawki - to načini njeměr


W sćěhowacym wideju pokaza knjez Bobka prawe wobchadźenje z konjom.