W křižerskim procesionje su wšelakore
symbole a znamjenja k widźeć.
Tute maja wosebity woznam.
 |
 |
Chorhoje su wažny symbol procesiona. Na chorhojach spóznaješ wosadu křižerjow.
Woni steja na prědnjej pozicij.
Na chorhojach widźimy husto křiž a znamjenjo z rowa stanjeneho zbóžnika. W Kulowskim procesionje dźěla chorhoje w srjedźnim dźělu serbski a němski procesion křižerjow
|
 |
 |
Potom sćěhuje křiž. Wón dopomina na smjerć Jězusa Chrystusa a
wupraja, zo ma kóždy za Jězusom kročić a swój křiž w žiwjenju
njesć. Křiž da zdobom křižerjam prawe mjeno. (Njejsu jutrowni
jěcharjo ale ,,křižerjo''). |
 |
 |
Na třećim městnje w procesionje sćěhuje Boža martra. Je to postawa
Jězusa, kiž symbolizuje skřižowaneho zbóžnika, kotryž je za
nas smjerć přewinył a z mortwych stanył.
|
 |
 |
Wěnčki pokazuja na wosebite jubileje křižerja. Zeleny wěnčk
dóstanje nowačk, slěborny ma jěcharja kiž 25 króć sobu
jěcha. Złoty wěnčk wuznamjeni jěchar, kiž je hižo połsta lět křižer. Wěnčki přepodaja so
jubilaram na
Božej mši w jutrownej nocy wot knjeza fararja.
|
 |
 |
Konje su rjenje z gratom pyšene. Na gratach su widźeć symbole, kaž
na přikład małke křiže,
mušle, kwětki - kiž
nowe žiwjenje symbolizuja - abo sekle. Kwětkace motiwy su hustodosć na wopušacej sekli konja widźeć. Hdyž so w swójbje jěcharja žaruje,
přićini so město běłej čorna sekla.
|
 |
 |
Konje noša pod sedłom wudebjenu šabraku. Na njej su často symbole jehnjeća,
kiž na zbóžnika Jězusa Chrystusa dopominaja.
Wužiwaja so módre, zelene, čerwjene a čorne šabraki. |
 |
 |
Hriwy konjow su tohorunja rjenje wupyšene. Jěcharjo pletu z hriwy na přikład mustry
abo zapletu z małymi banćikami serbsku chorhoj.
|
