Hladajo na to, zo so hłosowki křižerja jutrownu njedźelu nimale štyri hodźiny
ćežko napinaja, hodźeli so sćěhowace zasady wobkedźbować, zo njeby hłós po jutrach wjetšu
škodu měł: při spěwanju / jěchanju: runy chribjet, ramjenja dozady, tak zo nastanje mjez
šiju a hłowu tak mjenowany powětrowy šćežor.
Najlěpje je, hdyž dźerži so křižerska knižka we wysokosći hrudźe (optimalna je linija mjez wočomaj,
knižku a wušomaj konja). Najlěpje spěwać hodźa so wokale (a,e,i,o,u). Při spěwanju klinča najlěpje,
hdyž so huba daloko wočini, tak zo móhł znajmjeńša dwaj porstaj do njeje tyknyć.
Z tym nastanje optimalna rezonanca zynkow
- a lutuja so mocy.
- Prošu nic rjejić, ale z wěstym “ćišćom z brjucha” spěwać, wšo druhe škodźi hłosowkam a
špatnje klinči. Hdyž sće hižo w susodnej wosadźe dybawi, su so hłosowki přenapinali.
- Hdyž zběhnje so knižka, je to znamjo za dalši spěw.
- Naš kantor Michał Paška (Baćoń) poda pola kóždeje štučki prěnju złóžku sam. Křižerjo na njeho
poskaja, wotebjeru zwuk a zasadźa po dalšich złóžkach wótře, jasnje, přeswědčiwje, jednohłósnje a
synchronje w samsnym tempje. Mjez linkami słucha kóždy na zbytny procesion, hač je synchronita
hišće data. Jeli trjeba, koriguje so kóždy sam. Spěwa so hač k poslednjej złóžce.
- Po puću njeměło so napřećo wětřikej spěwać. Jeli wětřik tola wotprědka duje,
potom jenož hłowu trochu zwjertnyć.
- za hłosowki je lěpje, so při kofeju jědźe z wjele kisalinami wzdać (worjechi, tomaty)
A tu hisće wideo k temje spěw:
Přejemy wjele wjesela při spěwanju.
Strona nasta na iniciatiwu Pětra Zyndy z Noweho Łušča. Dźakuju so za pomoc Katolskeho Posoła, CS active 2002, Witaj a SAEK Budyšin.
Wobrazy: Bosćij Handrik a Pětr Rab. Dalši dźak słuša wšěm pomocnikam a rozmołwnym partneram.
